يراقب احساسي سرقه... بقلم عزالدين الحميري

يراقب احساسي سرقه:
أدري بيك تراقب احساسي سرقه
لأجل تطفي لهيب الشوق وترتاح
ياويل حالي من رعد نبضه وبرقه
من يداني ساحي والقلب يجتاح
ياناعم الخد والمبسم حنان ورقه
تووت راوي مبسمك والخد تفاح
لو بيدي لخلي العين خرزة زرقه
تحفظك وتحميك وتضمك بالجناح
لا تزعل لو قصرت وحصل فرقه
حنينك وشوقك للقلب والعين يجتاح
يظل بالي عندك ويدل ميسره وطرقه
يهيم لو ذكر طاريك وبسيرتك سواح
نصف القلب لك وهذا اللي سموه فلقه
قلبي قلبك وهذا الحال بليل وصباح
تراني سليل في بعدك ومثل الخرقه
هذا الشعور يدري من جربه وبيه طاح
شبيه الغصن لو ذبل وماارتوى عرقه
ذابل جفن العين والجسم في قراح
يزهر لو هل طيفك وباب القلب يطرقه
يتلون ويبان الحال كنه في أفراح
يابحر شوقي وغرامي المشاعر غرقه
بقاع قلبك وساح عينك عابر وسباح
شديت حرفي لأجلك ولاغيرك يسرقه
عليك تحافظ عليه وبايدك انت المفتاح
        @عزالدين الحميري@