ما همك/ بقلم أ. يزيد علوي اسماعيلي

★★ مَا هَمَّكْ ★★

كْلاَمِـــــــــي مَا هَمَّك لمَّا حْكِيتْ أَنا فِي هَمَّكْ

كُلّ مَانَا نَدْوِي تْدَّاعِي نْبَـــــــاهَة وْ فْهَـــــامَة
★★

لَمَّا كُنْتْ نْصِيحْ كُنْتِ نْـتَا تْشَــــــــــــالِي بِكُُمَّكْ

لاَ كْلاَمِي هَمَّك وْ اليُومْ مَا بْقـَــــــاتْ لِكْ زْعَامَة
★★

أَوَّلْ مَـــــا طَحْتِ طِيحَة مَــــا لْقِيتِ مَنْ طـَمَّـكْ

هَزُّوكْ فُوقْ الرُّوسْ  وْ لاَحُوكْ  فِي وَسْط ْ قْمَامَة
★★

مَـــــا يْنَفْعَكْ مْلاَمْ وْ لاَ عْتَــــابْ عْلَى مَنْ ظَلْمَكْ

وْ مَنْ تَــــاقٓ فْ ظَالَم ٓمُحـَـالْ وَاشْ تَجْدِيه ْنْدَامَة
★★

لَمَّــا كُنْتْ نْبُــــوح كُنْتِ تْلُـــَـوحْ بْالسَّمّ فْ دَمَّكْ

بـــُوحِي مـَــا هََمَّكْ مَدْفُــونْ رَاسَكْ كِيفْ نْعَامَة
★★

كُـنْتِ بِالْبَلْـيَة مَرْفُـــــوعْ طُــــولْ يُومَكْ مْصَمَّكْ

نْهِيتْ و ْكْلاَمِي مَا هَمَّكْ  تْخَالْ فْ الْبُــوم ْحْمـَامَة
★★

جْفِيــتِي كُلّ حْبِيـــبْ وْ مَــا بْقَى صْدَرْ لِكْ يْضَمَّكْ

مَــا بْقَى عْسَلْ فْ شَهْد مَنْ يُومْ  هَجْرَاتو  شــَامَة
★★

رَاكْ خُــــويَا وْ صْدِيــــقْ وْ وَلْد ْعَم ّدُمِّي مَنْ دَمَّكْ

مَهْمَا  كَــــــانُو  لِكْ  أَغْلاَطْ  لاَ  لِي  عْلِيكْ  مْلاَمَة
★★

يْـــلاَ  لاَحَكْ  الَعْدُو فْ الْبِير ْحْبَــــالْ الدَّم  ْتْـلَمَّـكْ

كْفُــــوفِي مَمْدُودَة  إيْلاَ تْعُـــود ْسَــــالَمْ بْسْلاَمَة
★★

لَـــٰـــــكِنْ نْوَصِّيكْ لاَ تْــتِيــقْ فِي بْهِيــمْ مْجَمَّك ْ

ذَاك ْمَن ْ بَاعْ قْـلَمْ وْ كْذُوبْ قـَــــالْ أَنُّـــو عْلاَّمَة
★★

               ★ يزيد علوي اسماعيلي ★